MUZIKI WA DANSI ULIINGIJE HAPA NCHINI?

MUZIKI WA DANSI ULIINGIJE HAPA NCHINI?

SWALI LILILOAINISHWA HAPO JUU, SINA HAKIKA WATU WENGI HUSUSANI WAPENZI WA MUZIKI WA DANSI KAMA WANAWEZA KULIJIBU LICHA YA KUUCHEZA MUZIKI HUO KWA MIAKA MINGI NYUMA.

NIMEFUATILIA NA KUYASOMA MAGAZETI, MAJARIDA NA MITANDAO MBALIMBALI YA KIJAMII, NIMEBAHATISHA KUPATA HISTORIA HIYO.

YAELEZWA KWAMBA UKITAKA KUONGEA MUZIKI WA DANSI ULIINGIAJE NCHINI, HUNA BUDI KUIJUA HISTORIA YA MJI WA TANGA.

HISTORIA FUPI YA MJI WA TANGA UNAELEZWA KUWA WAJERUMANI WALIUSAMBARATISHA MJI HUO KWA MIZINGA KATI MWAKA 1888 NA 1889.

BAADA YA HAPO ULIJENGWA UPYA KWA KUFUATA MPANGILIO ULIOSABABISHA TANGA KUWA NA MITAA MAARUFU KWA KUTUMIA NAMBA. HUKO TANGA MITAA INAITWA BARABARA YA KWANZA YA PILI, TATU, NNE NA KUENDELEA.

WAJERUMANI WALIANZISHA SHULE YA KWANZA YA SERIKALI YA TANGA 1892.

HAPOHAPO WAKANZISHA BENDI YA SHULE YA KWANZA. PAMOJA NA KUWA WAJERUMANI HAWAKUTAWALA MUDA MREFU, LAKINI WAINGEREZA WALIPOSHIKA MADARAKA WALIIENDELEZA SANA BENDI HIYO.

ILIKUWA IKIPIGA AINA MBALIMBALI ZA MUZIKI WA KIGENI.

DANSI ILIANZA KWANZA KAMA KLABU AMBAPO WATU WALIALIKANA KUJA KUCHEZA AINA MBALIMBALI ZA MUZIKI WA KIZUNGU.

MTINDO MAARUFU ULIOTUMIWA WAKATI HUO UNAOJULIKANA KAMA BALLROOM DANCING.

AINA HIZI ZA KLABU ZILIANZIA MOMBASA NCHINI KENYA NA KUINGIA NCHINI HUMU KUPITIA TANGA, KISHA KUPELEKWA DAR ES SALAAM.

KLAB ILIYOKUWA MAARUFU MJINI TANGA ILIITWA TANGA YOUNG COMRADES CLUB.

KLABU NYINGINE ILIANZISHWA IKAITWA NEW GENERATION CLUB AMBAYO ILIANZISHA MATAWI MIJI MBALIMBALI.

KLABU HIZI NDIZO ZILIZOZAA BENDI ZA DANSI. INAONEKANA DAR ES SALAAM NDIO ILIKUWA YA KWANZA KUWA NA BENDI YAKE AFRICAN ASSOCIATION JAZZ.

BAADAE WANAMUZIKI WENGINE WALIIHAMA NA KUANZISHA BENDI YA DAR ES SALAAM JAZZ ‘MAJINI WA BAHARI’ KATI YA MIAKA 1930 NA 1940.

MNAMO MWAKA 1950 KULIKUWA NA BENDI MAARUFU BAGAMOYO ILIYOITWA LUCKY STAR JAZZ AMBAYO ILIKUWA NA URAFIKI NA DAR ES SALAAM JAZZ.

BAADA YA HAPO KULIANZA BENDI AMBAZO WANAMUZIKI NA WANACHAMA WAKE WALIPATIKANA KUTOKANA NA MAENEO WANAKOTOKA.

KULIKUWEPO NA BENDI YA ULANGA JAZZ YA WAPOGOLO, TOKA MKOANI MOROGORO, BENDI YA RUFIJI JAZZ ILIYOANZISHWA NA WANDENGEREKO TOKA MKOA WA PWANI, WESTERN JAZZ ILIYOANZISHWA KWANZA NA WANYAMWEZI TOKA TABORA.

BENDI ZOTE HIZI BAADAE ZILIKUJA KUWA NA WANACHAMA MCHANGANYIKO BILA KUJALI UZAWA. PIA KULIKUWEKO NA BENDI YA SKOKIAN JAZZ,

AMBAYO ILIKUWA BENDI YA WATU MCHANGANYIKO.

MWAKA 1958 WANAMUZIKI KUTOKA KILWA WALIANZISHA BENDI IKAITWA KILWA JAZZ. 

WANAMUZIKI WAKE WALITOKA BENDI ILIYOITWA TANGANYIKA JAZZ.

ILIPOFIKA MWAKA 1966 BENDI ILIKUWA NA WANAMUZIKI TAKRIBANI 26, 15 WAKIWA KILWA A NA 11 KILWA B. ZAMANI BENDI ZILIKUWA NA MTINDO WA KUWA NA BENDI B AMBAYO NI YA VIJANA.

HATA PATRICK BALISDYA ALIWAHI KUWA DAR ES SALAAM JAZZ B. 

KILWA JAZZ ILIKUWA NA WANACHAMA KAMA 50 WENGINE WAKIWA VIONGOZI WA JUU SERIKALINI.

WALIOLIPA ADA YA UANACHAMA NA HIVYO KUWEZA KUINGIA MADANSI YA BENDI BILA KULIPA.

WAKATI HUO MAKAO MAKUU YA KILWA JAZZ LICHA YA WANAMUZIKI WAKE WAKITOKEA KILWA, YALIKUWA KATIKA UKUMBI AMBAO KWA SASA UNAITWA KWA MADOBI MAENEO YA JANGWANI, JIJINI DAR ES SALAAM.

MWISHO.